Sinemaes

Rydym yn falch iawn i groesawu Sinemaes yn ôl i'r Eisteddfod am yr eildro.

Mae partneriaeth strategol o sefydliadau allweddol ym maes ffilmiau yng Nghymru wedi dod at ei gilydd i ddarparu profiad ffilm ar y Maes.

Mae Sinemaes yn cynnig gweithgareddau cysylltiedig â ffilm, dangosiadau, dangosiadau cyntaf a dosbarthiadau meistr drwy'r wythnos.

Lleolir Sinemaes yn y Pentref Drama, gan gynnig rhaglen lawn o ddangosiadau o’r Archif Genedlaethol Sgrin a Sain, ffilmiau newydd gan Ffilm Cymru Wales ac S4C; dosbarthiadau meistr a gweithdai i bobl o bob oedran a chyfle i ganfod mwy am weithio yn y diwydiant ffilm a theledu yng Nghymru.