Eisiau deall sut beth yw detio yn 2024? Dysgu mwy am Tinder a’r ffordd mwya' effeithiol o’i ddefnyddio? Hoffi clywed straeon serch gyda diweddglo hapus? Yna, nid dyma'r sioe i ti. Ond, os lice ti weld menyw ganol oed yn cael creisis ar lwyfan...
Mae Esyllt yn ddigrifwr stand-yp, sgwennwr comedi ac un o gyflwynwyr y 'Comedy Club' (BBC Radio 4 Extra). Mae hi wedi cefnogi taith Elis James, Jen Brister a Stuart Laws, ac mae'n cydgyflwyno podlediad 'Pod of Wales' gyda Kiri Pritchard-McLean a 'The Xennial Dome' gyda Gareth Gwynn.
Mae hi wedi perfformio ar BBC Radio 4, BBC Radio 4 Extra a BBC One Wales yn Saesneg ac ar S4C yn Gymraeg. Mae hi hefyd wedi ysgrifennu ar gyfer: 'The Now Show' a 'The News Quiz ' BBC Radio 4); cyfres sgetsys Elis James a’i sioe stand-yp (S4C); 'What Just Happened?' (BBC One Wales); 'Welcome Strangers' (BBC Radio Wales), a 'The Rest Of Us' (BBC Radio 4).