Ble a phryd?
Llantwd, yng nghanol gogledd Sir Benfro – un o gorneli mwyaf hudolus Cymru – fydd cartref yr Eisteddfod o 1–8 Awst 2026!
Eleni, rydyn ni’n dathlu yn ardal ‘y Garreg Las’, wedi’i henwi ar ôl y garreg leol drawiadol sy’n rhan o’n tirwedd a’n hanes. Mae’r dalgylch yn ymestyn dros dair ardal arbennig: Sir Benfro, de Ceredigion a gorllewin Sir Gâr – pob un yn llawn cymeriad, croeso, a digon i’w ddarganfod.
Cyn yr ŵyl
Ymunwch â’r hwyl drwy gydol y flwyddyn!
Rydyn ni’n chwilio am bobl wych i wirfoddoli gyda’n pwyllgorau codi arian lleol. Rydyn ni’n trefnu pob math o bethau hwyliog – digwyddiadau, gweithgareddau, a llawer mwy!
Hoffech chi wybod mwy? Dewch i gael sgwrs gyda ni heddiw, neu anfonwch ebost at gwyb@eisteddfod.cymru – byddem wrth ein bodd yn clywed gennych!
Dyddiadau pwysig
- Ionawr: Cystadlu'n agor ar-lein | Lansio côr yr Eisteddfod
- 2 Mawrth: Carafanau, stondinau a sesiynau Cymdeithasau ar werth
- 1 Ebrill: Dyddiad cau cystadlaethau cyfansoddi | Gwirfoddoli ar y Maes yn agor
- 1 Mai: Dyddiad cau cystadlaethau llwyfan a Dysgwr y Flwyddyn
- 1-8 Awst: Eisteddfod Genedlaethol y Garreg Las
Beth am droi diwrnod yn yr Eisteddfod yn wythnos llawn hwyl ac atgofion melys?
Mae’r Eisteddfod yn cynnig amrywiaeth o opsiynau gwersylla i sicrhau bod pawb yn teimlo’n gartrefol – os ydych chi’n chwilio am le tawel neu’n barod am antur!
Maes pebyll teuluol – perffaith i’r rhai sy’n hoffi bach o lonyddwch gyda’r nos.
Maes B – i’r arddegau sy’n rhy cŵl i aros gyda mam a dad!
Hwyrnos – ar gyfer y criw 21+ sy’n barod am nosweithiau llawn hwyl.
Maes carafanau – eiconig, poblogaidd, a llawn cymeriad!
Mae lle i bawb – ond os mai diwrnod yn unig sydd gennych chi, mae croeso cynnes i chi alw heibio hefyd!
Chwilio am rywle lleol i aros?
Mae’r cynghorau lleol yn llawn syniadau gwych am lefydd braf i aros ac i ymweld â nhw ar draws ardal y Garreg Las. Edrychwch ar wefannau twristiaeth:
- Darganfod Sir Benfro
- Darganfod Ceredigion
- Darganfod Sir Gâr
- Neu ewch am dro digidol i wefan Awdurdod Parc Cenedlaethol Arfordir Sir Benfro am ysbrydoliaeth!
Lluniau: Hawlfraint y Goron | Aled Llywelyn
