Sut ga i docyn i'r Eisteddfod eleni?
Mae tocynnau ar werth ar ein gwefan. Cliciwch yma i weld holl gwybodaeth gyffredinol am ein tocynnau.
Sut ydw i'n cyrraedd Maes yr Eisteddfod ym Mhontypridd?
Cliciwch yma i weld holl fanylion teithio i'r Maes eleni.
Beth sy’n digwydd ar y Maes?
Dros 8 diwrnod mae'r Maes yn gartref i gannoedd o ddigwyddiadau celfyddydol, hamddenol, a masnachol o bwb cwr o Gymru, a thrwy gyfrwng y Gymraeg. Cliciwch yma i weld ein rhaglen ar-lein a chliciwch yma i brynu rhaglen swyddogol.
Beth sy'n digwydd gyda'r nos?
Mae gennym ni nosweithiau o adloniant yn y Pafiliwn o nos Sadwrn - nos Lun. Mae tocynnau Nia Ben Aur wedi gwerthu allan, ond mae tocynnau ar gael i'r Gymanfa Ganu - cliciwch yma i brynu tocyn.
Mae nosweithiau o gystadlu yn y Pafiliwn bob noson arall, ac mae mynediad am ddim gyda thocyn Maes dilys.
Arhoswch ar y Maes i fwynhau adloniant mewn llefydd amrywiol. Edychwch ar ein rhaglen am fanylion neu defnyddiwch yr ap.
Mae rhaglen o gyngherddau agos atoch yn Y Muni hefyd yn ystod yr wythnos - cliciwch yma am wybodaeth (mynediad gyda band garddwrn Maes neu gallwch brynu tocyn wrth y drws).
Mae nifer o berfformiadau theatrig yn cael eu cynnal yn YMa yng nghanol y dref, ac fel gyda'r Muni, mynediad ar gael gyda band garddwrn Maes neu drwy brynu tocyn wrth y drws. Cliciwch yma am ragor.
Cofiwch hefyd am gigs Maes B ac mae rhagor o wybodaeth a thocynnau yma.
Ga i wirfoddoli ar y Maes?
Mae ein cyfleoedd gwirfoddoli ni'n llawn erbyn hyn. Diolch i bawb sydd wedi rhoi o'u hamser i'n helpu ni eleni.
Bydd manylion shifftiau'n cyrraedd pawb cyn diwedd Gorffennaf.
Oes gennych chi app eleni?
Oes; mae'r app ar gael i'w lawrlwytho o'r mannau arferol nawr.
Ydw i'n gallu llogi cadair olwyn neu sgwter ar y Maes?
Rydym yn cydweithio gyda chwmni Byw Bywyd unwaith eto eleni, ac mae’u stondin wedi’i lleoli wrth ymyl y brif fynedfa.
Er bod sgwteri a chadeiriau olwyn ar gael i’w llogi ar y dydd, rydym yn argymell yn gryf eich bod yn cysylltu gyda’r cwmni ymlaen llaw am sgwrs, a gellir gwneud hyn drwy ffonio 01286 830 101.
Os ydych yn bwriadu llogi sgwter am y tro cyntaf eleni, dylech gysylltu gyda’r cwmni am gyngor a sgwrs. Os nad ydych yn brofiadol ar sgwter, dylech ddewis cyflymder araf wrth grwydro’r Maes.
Byddwch yn ystyrlon o ymwelwyr eraill bob amser wrth ddefnyddio sgwter o amgylch y Maes.
Mae stondin Byw Bywyd ar agor o 09:00 - 18:00 bob dydd.
Mae modd i ymwelwyr wefru eu sgwter yn y stondin, hyd yn oed os nad ydynt wedi llogi’r sgwter gan gwmni Byw Bywyd.
Rhagor o wybodaeth am hygyrchedd ar y Maes yma.
Oes swyddi ar gael ar y Maes?
Rydyn ni’n cyhoeddi unrhyw swyddi ar y Maes. Cysylltwch gyda’r stondin / cwmni sy’n cynnig y gwaith yn hytrach na ni, os gwelwch yn dda. Cliciwch yma i weld a oes cyfleoedd ar gael ar hyn o bryd.
Oes cyfieithu ar gael ar y Maes?
Oes. Mae cwmni Cymen yn cynnig gwasanaeth yn ystod yr wythnos. Ewch i’r ganolfan gyfieithu y tu allan i’r Pafiliwn i gasglu eich offer yn rhad ac am ddim.
Mae manylion y sesiynau sy'n cael eu cynnig ar y Maes eleni yma.
Oes ‘na dapiau dŵr ar y Maes?
Mae pwyntiau dŵr ar gael ar hyd a lled y Maes, ac wedi’u nodi’n glir ar fap y safle. Mae’r rhain wedi’u gosod yn isel er mwyn hwyluso ymwelwyr mewn cadeiriau olwyn a sgwteri.
Ein bwriad yw annog ymwelwyr i ddod â photeli dŵr y gellir eu hail-ddefnyddio i’r Maes, a’u llenwi’n rheolaidd wrth grwydro. Nid oes poteli dŵr plastig ar werth ar y Maes eleni.
Oes gennych chi ganolfan eiddo coll?
Oes. Ewch ag unrhyw eiddo coll i Swyddfa’r Eisteddfod y tu ôl i’r Pafiliwn. Bydd eiddo coll sydd heb ei gasglu’n dychwelyd i’n swyddfa yng Nghaerdydd a byddwn yn gwneud ein gorau i’w ddychwelyd i'r perchennog. Mae’n bosibl y bydd cost am bostio rhai eitemau. Os na fydd eiddo wedi’i gasglu / dychwelyd erbyn diwedd Medi, byddwn yn cysylltu gydag elusennau lleol.
Ydw i'n cael dod â fy nghi i'r Maes?
Ydych. Mae croeso i gŵn ufudd a chyfeillgar cyn belled â’u bod nhw ar dennyn tynn drwy’r amser. Dim ond cŵn cymorth sy’n cael mynd i’r Pafiliwn, ond mae croeso mawr i gŵn eraill o amgylch y Maes.
Oes gennych chi deithiau tywys eleni?
Oes. Maen nhw'n gadael y Hwb Gwybodaeth am 11:00 a 14:00 bob dydd ac yn arbennig o addas i ymwelwyr newydd. Holwch yn y ddesg ymholiadau
Oes 'na gystadleuaeth golff eleni?
Oes! Cliciwch yma i weld y manylion.
Pa stondinau sydd ar y Maes?
Mae stondinau o bob math ar y Maes ym Mhontypridd. Cliciwch yma i weld pwy fydd yn arddangos eleni.
Oes gennych chi ystafell weddïo eleni?
Oes, mae gennym ni ardal arbennig ar gyfer unrhyw un sy'n dymuno gweddïo neu myfyrio yn ystod eu hymweliad. Mae'r ystafell weddïo aml-ffydd wedi'i lleoli i ffwrdd oddi wrth fwrlwm mawr y Maes, yn agos at y Llecyn Llonydd a'r Hwb Hygyrchedd ac wedi'i nodi ar ein map
Ydw i dal yn gallu cyfrannu i'r Gronfa Leol?
Wrth gwrs! Mae'r Gronfa Leol dal ar agor, ac rydyn ni'n ddiolchgar iawn am bob cyfraniad. Cliciwch yma i gyfrannu i'r coffrau.
Rydw i'n byw yn lleol ac eisiau addurno fy ardal i groesawu'r Eisteddfod - ga i gyngor?
Newyddion gwych! Mae ein hymwelwyr ni'n hoffi gweld y croeso lliwgar ym mhob ardal wrth gyrraedd. Cliciwch yma am ragor o wybodaeth am harddu.