Gyda cherddoriaeth o bob math tan yn hwyr – mae’n denu cynulleidfa o filoedd bob noson. Roedd dros 10,000 yn gwylio Bwncath a Candelas ar ddechrau a diwedd yr wythnos yn Eisteddfod Llŷn ac Eifionydd y llynedd!
Wrth iddi nosi, mae bandiau ac artistiaid mwyaf Cymru’n perfformio, ond mae lle i bob math o berfformwyr lleol ar y Llwyfan hefyd.
Mae pob dydd yn cychwyn gyda pherfformiad gan gôr a band pres o ardal yr Eisteddfod, gyda bandiau lleol neu newydd i ddilyn.
Mae awyrgylch Llwyfan y Maes yn unigryw, gyda chymysgedd o deuluoedd a phobl o bob oed yn mwynhau’r gerddoriaeth a chyfle i gymdeithasu yn yr haul.
Dyma lwyfan mwyaf y Gymraeg, ac mae cael cyfle i berfformio yma’n wefr fawr i bob band!
Peidiwch â cholli Dafydd Iwan nos Sadwrn 3 Awst am 21:00 – gyda gwestai go arbennig sydd heb ei gyhoeddi eto. Dewch draw i fwynhau!
Noddir Llwyfan y Maes gan:
