- Amseru: Amserir y perfformiad o’r nodyn cyntaf i’r nodyn olaf o bob cân yn unol â gofynion y gystadleuaeth i gynnwys nifer amhenodol o ganeuon gyda neu heb gyfeiliant. Gweler y Rheolau ac Amodau Cyffredinol.
- Cadenza: Mae rhyddid i gystadleuwyr amrywio cadenza neu osod i mewn cadenza neu nodau uchel dewisol lle bo’n arferol, ond rhaid hysbysu’r beirniaid o’r newidiadau.
- Corau
- Aelodaeth: Ni chaiff unrhyw un ganu mewn côr heb fod yn aelod cyflawn o’r côr hwnnw am ddeufis yn union cyn yr Eisteddfod, ac ni all unrhyw un ganu mewn mwy nag un côr yn yr un categori corawl.
- Rhannau Unigol: Ni chaniateir i unrhyw gôr ddewis darnau lle rhoddir lle blaenllaw i unawdwyr. Ni ddylid dewis caneuon o arddull sy’n defnyddio côr fel ‘cantorion cefndir’ am gyfnod sylweddol.
- Rhaid canu’r darnau lleisiol yn y Gymraeg. Fodd bynnag, caniateir i gorau gynnwys un gân heb eiriau yn eu rhaglen os dymunant.
- Rostra: Darperir rostra gan yr Eisteddfod
- Cyweirnod: Yr argraffiad a’r cyweirnod a nodir yn unig a ganiateir ym mhob cystadleuaeth.
- Cyfeilyddion: Rhaid i gystadleuwyr dderbyn gwasanaeth cyfeilydd swyddogol yr Eisteddfod ym mhob cystadleuaeth ac eithrio corau, cystadlaethau o sioeau cerdd a chystadlaethau offerynnol. Bydd yr Eisteddfod yn ceisio sicrhau gwasanaeth yr un cyfeilydd yn y rhagbrawf a’r prawf terfynol.
- Hunanddewisiad:
- Gall cystadleuydd ddewis cyweirnod mewn cystadlaethau hunanddewisiad, ond rhaid i’r cyweirnod hwnnw ymddangos mewn copi sydd wedi’i gyhoeddi gan gwmni cydnabyddedig.
- Caniateir canu mewn unrhyw gyweirnod yng nghystadlaethau Canu Emyn | Cân o Fawl Agored, Unawd o Sioe Gerdd 19 oed a throsodd ac Unawd o Sioe Gerdd o dan 19 oed.
- Rhaid uwch-lwytho copi o bob darn yn y cywair a ddewiswyd erbyn 15 Mehefin, gyda’r geiriau Cymraeg wedi’u gosod ar y gerddoriaeth.
- Ni chaniateir newid y darn hunanddewisiad gwreiddiol ar ôl 15 Mehefin.
DS Dylech sicrhau eich bod wedi darllen y Rheolau ac Amodau Cyffredinol cyn cystadlu.