- Darnau Hunanddewisiad: Rhaid i gystadleuwyr uwchlwytho eu sgriptiau a darnau hunanddewisiad i wefan yr Eisteddfod erbyn 15 Mehefin
- Rheol Iaith
Tynnir sylw’r cystadleuwyr at reol iaith yr Eisteddfod. Rhaid bod cyfiawnhad artistig pendant dros ddefnyddio iaith ar wahân i’r Gymraeg mewn detholiadau a chystadlaethau hunanddewisiad, ac ni ddylai fod yn ormodol - Deunydd enllibus
Ni chaniateir cynnwys unrhyw ddeunydd enllibus nac unrhyw ddefnydd o iaith anweddus, a allai beri tramgwydd i eraill, mewn unrhyw ddetholiadau neu gystadlaethau hunanddewisiad neu gyflwyniad byrfyfyr - Hawlfraint
Cyfrifoldeb corau, partïon, grwpiau neu unigolion yw sicrhau hawlfraint unrhyw ddarnau hunanddewisiad. Rhaid nodi hyn ar y ffurflen gystadlu. Ceir canllawiau a chyfarwyddiadau pellach yn yr adran ‘Cystadlu’ ar wefan yr Eisteddfod - Oedran
Rhaid i’r cystadleuydd fod o fewn cwmpas oedran y gystadleuaeth ar 31 Awst 2024 - Copïau
Mae hi’n anghyfreithlon gwneud copïau ychwanegol eich hun o gerddoriaeth, barddoniaeth neu unrhyw waith sydd wedi’i gyhoeddi - Cystadlaethau Côr Llefaru dros 20 mewn nifer a Pharti Llefaru hyd at 16 mewn nifer
Caniateir defnyddio symudiadau, gwisgoedd, cerddoriaeth a mân gelfi cludadwy. Rhaid paratoi a chlirio’r llwyfan o fewn yr amser penodedig - Cystadlaethau cyn-derfynol a therfynol
Bydd disgwyl i gystadlaethau'r adran hon ymddangos mewn rownd gyn-derfynol, a dyfernir y tri gorau i gystadlu yn y rownd derfynol oni nodir yn wahanol.
DS Dylech sicrhau eich bod wedi darllen y Rheolau ac Amodau Cyffredinol cyn cystadlu.