0

Actio Drama neu Waith Dyfeisiedig

  1. Cam 1: Cofrestru i gystadlu
    • Rhaid cofrestru i gystadlu ar-lein erbyn 1 Ebrill drwy wefan yr Eisteddfod;
    • Dylid uwch-lwytho copi o’r sgript fel y bwriedir ei pherfformio neu fraslun manwl o’r cyflwyniad os yn waith dyfeisiedig.
  2. Cam 2: Beirniaid i ddewis 3 chwmni i gystadlu yn yr Eisteddfod
    1. Berfformiad byw o'r Ddrama neu Gwaith Dyfeisiedig o flaen y beirniaid mewn canolfan(nau) sy'n ganolog i'r cwmnïau;
    2. NEU, gellir cyflwyno recordiad o'r Ddrama neu Gwaith Dyfeisiedig os nad yw'n bosib i'r beirniaid ymweld â'r cwmni cyn diwedd Mehefin (cysylltwch â cystadlu@eisteddfod.cymru am ganllawiau a chyfarwyddiadau pellach).
    3. Rhaid cynnal y rownd gynderfynol erbyn diwedd Mehefin, un ai drwy:
  3. Cam 3: Perfformio yn yr Eisteddfod
    • Cynhelir rownd derfynol ar ddiwrnod penodol yn ystod wythnos yr Eisteddfod;
    • Rhaid i unrhyw gwmni sydd wedi’i ddewis ar gyfer y prawf terfynol, ond sy’n tynnu’n ôl heb reswm digonol hysbysu swyddfa'r Eisteddfod o leiaf fis cyn diwrnod y gystadleuaeth;
    • Traddodir beirniadaeth ar ddiwedd y prawf terfynol.
  4. Rheolau ac Amodau
    • Os yn perfformio drama, rhaid i’r ddrama fod naill ai’n ddrama un act gyflawn neu’n ddetholiad o ddrama hir neu’n waith dyfeisiedig;
    • Ni chaniateir unrhyw ragarweiniad i’r detholiad, drwy araith na chrynodeb wedi’i argraffu;
    • Ni ddylai’r perfformiad fod yn llai nag 20 munud o hyd nac yn hwy na 50 munud. Mae ‘amser perfformio’ yn cynnwys unrhyw amser sydd ei angen i newid golygfa yn ystod perfformiad;
    • Caniateir 10 munud i osod y llwyfan a 5 munud i glirio’r llwyfan;
    • Rhaid i’r cwmnïau sicrhau’r hawl i berfformio, a rhaid uwch-lwytho copi o’r drwydded gyda’r ffurflen gais;Cyfrennir yn ariannol tuag at gostau cynhyrchu a theithio’r cwmnïau a wahoddir yn ystod wythnos yr Eisteddfod. Gweler amodau ‘Grantiau Teithio’ yn y Rheolau ac Amodau Cyffredinol.

    Cystadlaethau llwyfan

    1. Rhaid dechrau a diweddu’r perfformiad gyda llwyfan gwag. Amserir y perfformiad o’r funud y dechreuir gosod y llwyfan hyd at y llwyfan gwag ar ôl y cyflwyniad.
    2. Caniateir propiau a dodrefn syml, gwisg a cherddoriaeth. Y cystadleuwyr eu hunain a ddylai osod a chlirio’r llwyfan oni bai am achosion eithriadol a fyddai’n caniatáu i’r rheolwyr llwyfan swyddogol wneud hyn.

        DS Dylech sicrhau eich bod wedi darllen y Rheolau ac Amodau Cyffredinol cyn cystadlu.