Dyma’r llythrennau anferth sy’n sillafu’r gair ‘Eisteddfod’.
Cafodd rhain eu creu gan ein crefftwr yn ein gweithdy yn Llanybydder, ac erbyn hyn, dyma’r ddelwedd fwyaf poblogaidd o’r Maes – ac i’w gweld yn eang ar-sgrin, ar-lein ac ar draws y cyfryngau cymdeithasol.
Dyma hefyd yw brand yr Eisteddfod, ac mae’r llythrennau coch llachar wedi dod yn adnabyddus yn rhyngwladol fel symbol o’r ŵyl.
Mae’r gair yn rhan o brosiect mawr i harddu’r Maes, a chreu gwedd mwy lliwgar a diddorol, yn fwy tebyg i ŵyl.
Mae amryw o wrthrychau eraill newydd yn cael eu creu yn flynyddol i’w gosod ar draws y Maes, ond ein llythrennau coch sydd wastad i’w gweld yn y lluniau i gyd.