Canolbwynt gweithgareddau ar gyfer plant cyn oed ysgol a chynradd, ac un o’r ardaloedd mwyaf poblogaidd a hwyliog ar y Maes.
Mae ethos y Pentref Plant yn syml - lle i blant fod yn blant a dod i gael hwyl. Rydyn ni eisiau i blant gadw eu ffonau a gemau fideo, a dod i chwarae, gwneud ffrindiau newydd a chreu cymuned o blant ar Faes yr Eisteddfod.
Gyda rhaglen orlawn o ddigwyddiadau hwyliog, o dynnu’r gelyn i rasio ceffylau hobi, a phob math o gemau gwirion, mae’r Pentref yn cynnwys nifer o leoliadau, pob un ohonynt wedi’u dylunio a’u creu i ddiddanu plant ifanc, gan gynnwys ardal sgiliau syrcas, a gefnogir gan y Gwasanaeth Mabwysiadu Cenedlaethol.
Eleni, mae maes chwarae parhaol y parc yn rhan o’r pentref, gyda phob math o offer chwarae diogel i blant o bob oed.
Mae ardal fwydo a newid clytiau yn y Pentref.
Noddir y Pentref Plant gan:
