Efallai nad yw gwyddoniaeth yn dod i’r meddwl yn syth wrth feddwl am ddiwylliant Cymru – ond fe ddylai erbyn hyn.
Mae’r Pentref Gwyddoniaeth a Thechnoleg yn rhan bwysig o weithgareddau’r Eisteddfod ers dros hanner canrif. Bwriad gwaith gwyddoniaeth a thechnoleg yr Eisteddfod yw hyrwyddo STEM, sef gwyddoniaeth, technoleg, peirianneg a mathemateg.
Dros y blynyddoedd mae’r Pentref wedi bod yn eithriadol o boblogaidd gyda phob math o arddangosfeydd a gweithgareddau rhyfeddol wedi’u cynnal yma. Dyma le y torrodd yr Eisteddfod y Record Byd am y model hiraf o DNA iâr, a dyma hefyd lle y cafwyd sesiynau cerdded mewn cwstard!
Mae rhaglen lawn o weithgareddau yma eto eleni, gyda chymysgedd wych o weithgareddau difyr i blant a sgyrsiau a sesiynau mwy ffurfiol i oedolion,
Rydyn ni hefyd yn dathlu ugain mlynedd o’r Fedal Wyddoniaeth a Thechnoleg eleni. Cyflwynir y Fedal i unigolyn sydd wedi codi proffil neu statws gwyddoniaeth a thechnoleg drwy gyfrwng y Gymraeg. Cawn gyfle i gyfarfod yr enillydd ar y Maes dydd Iau.
Arddangoswyr:
- Canolfan Therapiwteg a Thocsicoleg Cymru Gyfan
- Gofod am Cymru | Space Wales
- Gwasg Rily
- Llais y Goedwig
- Maint Cymru | Size of Wales
- Prifddinas Rhanbarth Caerdydd
- Prifysgol Caerdydd | Cardiff University
- Royal Society of Chemistry
- RSPB Cymru
- Sefydliad Ffiseg | Institute of Physics
- Sefydliad y Gwyddorau Biofeddygol | Insitute of Biomedical Science
- South Wales Organ Donation
- Syniadau Mawr Cymru
- Virgin Media O2
- Y Gymdeithas Feddygol / Y Gymdeithas Ddeintyddol
Noddir y Pentref Gwyddoniaeth a Thechnoleg gan:
