Eleni, mae’r perfformiadau i gyd yn cychwyn o ardal sy’n agos at gofeb Evan a James James a’r Bandstand, ac mae’r rhaglen yn cynnwys gweithgareddau gan nifer o gwmnïau a grwpiau adnabyddus, gan gynnwys Kitsch ‘n’ Sync, No Fit State Circus a Theatr Spectacl.
Peidiwch â cholli ‘Mari Ha’, gwaith cyffrous sy’n cyfuno dawns, dylunio a cherddoriaeth mewn ffordd sy’n torri tir newydd ac yn dathlu’r pŵer sydd gan fyd natur i ddod â phobol ynghyd i greu cymuned a diwylliant, gan y tîm y tu ôl i sioe Qwerin.