Ysgoloriaeth W Towyn Roberts

Beirniaid: Kate Baylis, Elin Pritchard a Catrin Wyn-Davies

Sefydlwyd yr ysgoloriaeth i hyrwyddo cerddoriaeth glasurol yng Nghymru a'i dyfarnu i gefnogi datblygiad proffesiynol y cystadleuydd yn y diwydiant canu clasurol.

Erbyn 1 Mai 2025 mae'n rhaid:

• Cofrestru i gystadlu drwy wefan yr Eisteddfod;
• Gwahoddir pob cystadleuydd i ragbrawf ar ddydd Sul cyntaf yr Eisteddfod i gyflwyno rhaglen hyd at 15 munud sy’n cynnwys o leiaf un gân gan gyfansoddwr o Gymru a chenir pob un o'r caneuon yn Gymraeg. Cysylltwch â cystadlu@eisteddfod.cymru i wirio argaeledd cyfieithiadau;

Yn ychwanegol

• Rhaid paratoi cyflwyniad ysgrifenedig hyd at 200 o eiriau yn nodi bwriad defnydd o'r Ysgoloriaeth;
• Wedi’r dyfarniad, gwahoddir holl gystadleuwyr y gystadleuaeth i sesiwn weithdy (working session) ar faes yr Eisteddfod gydag aelodau o’r panel beirniadu;
• Gofynnir i'r cystadleuwyr uwch-lwytho fideo (selftape) o ddwy gân yn unig allan o'r rhaglen 15 munud, a hynny cyn 15 Mehefin, a rhain fydd y caneuon o dan ystyriaeth ar gyfer y sesiwn gweithdy.

Mae'r gystadleuaeth yn agored i:

• unrhyw berson a anwyd yng Nghymru;
• unrhyw berson y ganwyd un o’i rieni yng Nghymru;
• unrhyw berson sy’n byw neu’n gweithio yng Nghymru am dair blynedd cyn 31 Awst 2025.

Bydd yr Eisteddfod yn darparu cyfeilydd ar gyfer y gystadleuaeth hon ond bydd hawl gan gystadleuwyr i ddefnyddio cyfeilyddion eu hunain. Bydd hawl gan y panel beirniaid i atal yr ysgoloriaethau neu i’w rhannu rhwng mwy nag un enillydd

Gwobrau:

• Ysgoloriaeth W Towyn Roberts er cof am ei briod, Violet Jones, Nantclwyd, ac Ysgoloriaeth William Park-Jones a £5000
• £3000
• £1000
• £500

Dyddiad cau: 1 Mai 2025 am ganol dydd