Dyfernir yr ysgoloriaeth gwerth £1500 i unigolion mewn addysg, sy'n astudio Pensaernïaeth | Pensaernïaeth Tirwedd neu Ddylunio Trefol yn ystod a hyd at flwyddyn ar ôl cwblhau gradd MA | MS
Cefnogir gan Gomisiwn Dylunio Cymru â Chymdeithas Frenhinol Penseiri Cymru
Sut i ymgeisio:
Dilynwch y camau canlynol i gyflwyno cais:
- Yn gyntaf, rhaid archebu a thalu’r ffi cofrestru er mwyn cyflwyno eich cais;
- Yna byddwch yn derbyn e-bost awtomatig gan yr Eisteddfod yn syth wedi cwblhau’r archeb;
- Cliciwch ar y ddolen sy’n eich cyfeirio at gyfrif porth artistiaid a chwblhau’r meysydd perthnasol yno.
Gwobr: Ysgoloriaeth Bensaernïaeth a £1500
Sefydlwyd yr ysgoloriaeth er mwyn hybu pensaernïaeth a dylunio yng Nghymru. Dyfernir yr ysgoloriaeth gwerth £1500 i'r ymgeisydd mwyaf addawol er mwyn ei (g)alluogi i ehangu ei (h)ymwybyddiaeth o bensaernïaeth greadigol ac ymdrechu am ragoriaeth ym maes dylunio ac i hyrwyddo gyrfa a datblygu'u (h)astudiaeth. Disgwylir i enillydd yr ysgoloriaeth gyflwyno traethawd gweledol i’w arddangos yn yr Eisteddfod ddilynol. Croesewir ceisiadau o feysydd pensaernïaeth, tirwedd neu ddylunio trefol. Dehonglir y gair pensaernïaeth yn yr ystyr ehangaf.
- Bydd yr ysgoloriaeth yn agored i unigolion mewn addysg, sy'n astudio Pensaernïaeth | Pensaernïaeth Tirwedd neu Ddylunio Trefol yn ystod a hyd at flwyddyn ar ôl cwblhau gradd MA | MSc. Bydd yr ymgeiswyr:
- wedi’u geni yng Nghymru, neu
- ag un o’u rhieni wedi’u geni yng Nghymru, neu
- yn siarad yr iaith neu ysgrifennu'n Gymraeg, neu
- wedi byw neu weithio yng Nghymru ers tair blynedd cyn 31 Awst flwyddyn yr ŵyl.
Dilynwch y cyfarwyddiadau a chyflwyno’ch cais ar ffurf PDF
- Datganiad 300 gair amdanoch eich hun a sut y bydd y wobr ariannol yn cael ei defnyddio i gynorthwyo gyda'ch astudiaethau a'ch uchelgais gyrfa
- Dogfen pdf yn cyflwyno eich gwaith, yn cynnwys hyd at 8 llun ynghyd ag esboniadau byr o’r gwaith.
Dyddiad cau: 3 Mawrth 2025 am ganol dydd